Vår eigen spelemann og styreleiar Torgeir Straand heldt igår eit foredrag på Næringslivets Hus i Oslo. Som ein av tre foredragshalderar var han hyra inn for NHO Telemark. Torgeir snakka om kontakt og samarbeid mellom ulike bransjar.

Å BYGGE PÅ TUFTA OG IKKJE I LUFTA

Kulturnæring og subseasatsing er tilsynelatande to heilt ulike bransjar. Som spelemann og samstundes dagleg leiar i Ble Engineering A/S (Kongsberg og Notodden) ser Torgeir Straand likskapar mellom desse bransjane. Samstundes er han oppteken av korleis logikkane innafor kultur og teknologi har overføringsverdi til einannan.

Omlag 50 næringslivsleiarar frå Telemark deltok på denne konferansen, som var ein opptakt til dagens nasjonale NHO-konferanse.

Foredraget blei motteke med stor interesse, ikkje minst då foredragshaldaren drog fram hardingfela.